Tysnes Musikklag spelte mange kjende og kjære julesongar i høve julegateopninga i Våge fredag kveld.
Mange hadde funne vegen til Våge denne kvelden. Sjølv om det var temmeleg kaldt ute, var stemninga god blant både born og vaksne.
Nissen fauk rett forbi den ventande flokken, og tok seg like godt ein liten tur ut til ferjekaien.
...men dei fleste stod fint og venta, for alle visste at nissen ville koma attende.
Og det stemte!
I år delte ikkje nissen ut godteposar, noko mange såg ut til å verta overraska over. I staden samla nissen inn lappane til dei borna som ville vera med i trekkinga av ein heldig vinnar som fekk velja seg ei gåve frå leikebutikken.
Men nissen ville ikkje trekkja ein vinnar før borna song "På låven sitter nissen". Det gjorde dei heldigvis, og vinnaren vart trekt. I år vart det...
Casper Christensen (5), som allereie hadde valt gåva han ynskte seg: Lego. Ein som er ekstra godt nøgd med kvelden!
Til slutt delte nissen ut nokre gåver til andre som fekk lappen sin trekt opp av sekken.
