Saknar du e-avisa vår?
Du er ikkje åleine. Men det er alle mann på dekk for å få på plass e-avisa så snart som råd.
Publisert
Sist oppdatert
SISTE: No er e-avisa oppe og går på heimesida vår. Du finn den under menyen oppe til høgre. Me jobbar vidare med å få e-avisa inn i appen.
Tysdag denne veka gjekk «Tysnes» over til eit nytt produksjonssystem, noko som har ført til diverse utfordringar i samband med at den første avisa gjekk i trykken onsdag denne veka.
Annonse
Mange lesarar har nemleg rapportert til oss at dei saknar viktige element som e-avis og webkamera både på nett og i appen, noko me jobbar på spreng med å ordna.
«Torsdagen er ikkje det samme uten vekas høgdepunkt – lesing av lokalavisa torsdag morgon», skriv ein av lesarane våre til oss, og det har me full forståing for.
Andre lesarar har meldt inn ulike problem når det gjeld pålogging, og dette er også noko me jobbar med parallelt.
E-avisa skal forhåpentlegvis koma på plass på nettsida i løpet av dagen, men det er framleis uvisst når den vil vera tilgjengeleg i appen.
Annonse
Me beklagar ulempene dette medfører for lesarane våre, og ber om tolmod medan me prøver å ordna opp i alt.
