Lesarbrev
Fjerning av skog og kratt
Det er med glede eg reiser med ferja forbi øyane i Våge, og ser kor fine dei er blitt etter at all skog og kratt har blitt fjerna. Det ser og ut til at måker og terner er komne tilbake til sine tidlegare hekkeplassar.
I Uggdal ligg Kattholmen mellom Uggdalseidet og Beltestad. I 1950-åra då eg vaks opp i Uggdal var holmen utan tre og kratt, bortsett frå nokre furuer midt på holmen. Den var hekkeplass for måker, terner og ender. Kattholmen såg i dei dagar ut som ein katt sett frå Eie.
Annonse
Det hadde vore kjekt om nokon tok initiativ til å få fjerna skog og kratt på holmen, slik at den kjem tilbake til det den var i tidlegare tider. Dette til glede både for bygdafolk, vegfarande og ikkje minst for sjøfuglane.
Roald Vaage
